నర విక్రయ సంతలు
అది పశువుల సంతేమి కాదు
కాని అక్కడ జరుగుతున్న దదే!
సంతలో పసులని కోనేముందు
దాని గుణగణాలను లక్షణాలను
నఖశిఖ పర్యంతం పరీక్షించి పరీక్షించి
బేరమాడతాడు ...కానీ.....ఇక్కడ?
అమ్ముకునే వాడూ అమ్ముడు పోయే వాడూ
కొనేవారి గుణగణాలనూ అందచందాలనూ
పరీక్షించి బేరాలాడుతున్నారు...చిత్రంగా
సభ్యసమాజం తలదించు కోవలసిన
దురాచార దుర్మార్గపు ప్రక్రియ
తరతరాలుగా కొనసాగుతున్న
మానవత్వం తలదించు కోవలసిన
ఏహ్యాతి యేహ్యమైన ప్రక్రియ......
ఎన్ని చట్టాలు చేసినా...ఎంతమంది
అభ్యుదయ వాదులు అరిచి గీ పెట్టినా
ఆగిపోనీ అత్యంతావమానాల ప్రక్రియ
పెళ్ళిచూపులంటు పెద్దలంతా చేరి
కాలొంక చేయొంక వంపుసొంపులవంక
కలికీ వ్యక్తిత్వాన్ని సవాలు చేసే కన్నెత్వపు
పరీక్షలంటూ కాంక్షలూరె కన్నులతొ
కోసరి కోసరి చూసుకుంటు బేరమాడె
విఫణులయ్యె పెళ్ళిచూపు తంతులు
పశువుల సంతకన్న అధ్వాన్నపు తంతులు
