. *శుభోదయం*
నల్లని సిగ్గుతెర కప్పుకుని
నిద్రిస్తున్న ధరణి అందాలను
కాంచాలనే కోరికతో కర్మసాక్షి
తూర్పు కొండల మాటునుంచి
తొంగిచూస్తుంటే .....
అతని కన్నులొలికే కాంతిరేఖలు
పుడమిని స్పృషిస్తున్న వేళ
గోరువెచ్చని యా వెలుగు సోకి
కొమ్మలలో నిద్రిస్తున్న పక్షులు
కువకువరాగాలతో గారాలుపోతున్నాయి
సెలయేరులలోని పద్మాలు
తమ ఆత్మీయుని కరస్పర్షకు
పులకించి తనువంతా విప్పుకుంటుంటే
పరాయిపురుషుని గాంచిన
కలువలు సిగ్గుతో ముడుచుకుంటున్నాయి.
మిత్రమా భిన్నవర్ణశోభితమై
విరాజిల్లే నింగి యందాలు చూడాలంటే
నీ పద్మనయనాలని వికసించనీ
సకలశోభాయమానమౌ ప్రభాత
భాస్కరున్ని తిలకించ మేలుకోవేమి
నీకు నాకు సకల చరాచర జీవరాశికిదే కావాలి శుభోదయం.
No comments:
Post a Comment