ఘనుడు చంద్రబోసు రచించె కవనమదియె
కీరవాణి యందింప సంగీతమునకు
రామ్ చరణ్ నందమూరియె రమ్యముగను
గెంతు లేసిన పాటయే గెలిచె నేడు
నుత్తమమగు నాస్కారు నీ యుర్వియందు.
పేటపేటను మారు మ్రోగుచు విశ్వమందున గాంచగన్
నాటునాటను పాటయే కద నాణ్యమై యిల వెల్గెరా
సాటిలేనిది మేటి యంచును సన్నుతింపగ లోకులే
తేటతెన్గుకు నిట్టిపాటయె తెచ్చెకీర్తిని గాంచరా!!
నాటు నాటంటు పాడిన పాటజూచి
పెదవి విరిచిరి నాడేమొ విజ్ఞులెల్ల
నదియె సాధించె నాస్కారు నద్భుతముగ
తెలుగు పాటకదియె తెచ్చె వెలుగు నిజము.
No comments:
Post a Comment