సంక్రాంతి శుభోదయం

 *సంక్రాంతిశుభాకాంక్షలతో శుభోదయం*

 మాసానికొకమారు వాసమున్ మార్చెడి

 .        కర్మపు సాకిరి కంజ హితుడు

 ధనుసు రాశిని వీడి ఘనముగా మకరమ్ము

 .       సంక్రమణము జేయు సంబరమున

 కోడికూయకముందె కోమలుల్ మేల్కొని

 .        సప్తసప్తిని తాము స్వాగతింప 

 ముంగిట ముత్యాల ముగ్గులన్ వేయుచున్

 .     గంగిరెద్దులనాట్య భంగిమలును 

 హరిలొరంగాయంచు హరిదాసు కీర్తనల్

 .        ద్రాపమున్ దాకు పతంగ ములును

 పట్టు వస్త్రాల రెపరెపల రవళులు

.      నింగిలో భాస్కరున్ నిదుర లేప       

  

  తే.గీ.    

 తూర్పు కొండల నెగబ్రాకి తొవలసూడు

 పౌరుషాగ్నుల విరజిమ్ము పందెములగు

 కోళ్ళ సంగరమును గాంచు కోర్కెతోడ

 కదలి వచ్చెనుచూడు సంక్రాంతి నాడు. 

( మీకూ మీ కుటుంబానికి మకర సంక్రాంతి శుభాకాంక్షలు)