తేనీరు

                       తేనీరు
                     రచన: విరించి

     సుధార్థులైసురాసురులు  క్షీరాబ్దిని మధించగా
     కామధేను వుద్భవించె కల్పవృక్ష మంకురించె
     ఐరావత మవతరించే  హాలాహలమే పుట్టె
     విష్ణు మూర్తి హృదయమందు  సదా తాను నిలవ దలచి
     పైడి తల్లి యవతరించె  పాలసంద్రముయందునా

     సురాసురుల శ్రమ ఫలితం  ఉద్భవించే స్వర్ణ కలశం
     జగజ్జగాయ మానమౌ  దగద్ధగల కాంతులతో
     తుదకు లభ్యమయ్యెనంట సుధారస భాండమంట
     కాంచనంబగు కలశ మందు  కారు నలుపు రంగు యందు
     కనిపించిన పీయూషం  అది పెంచెను సురుల యశం

     ముడిసరుకని యెంచినారు  తేర్చినారు సుధారసం
     తేరుకొన్న తేట తీసి  తామ్ర పాత్రలోన పోసి
     అమృతమును గైకొనిరి  అదితి సుతులు సురులు వారు
     తేర్చిన  నీరును చూపి  ఎవరికివ్వ వలెనంటు
     చింతించిరి దేవతలు  అసుర జన వంచితులు

     తుదకు బ్రహ్మ యానతితో  నరులకివ్వ దలచినారు
     తెర్చినట్టి నీరు కాన తేనీరైనది లోకాన
     నరుల ప్రీతీ పాత్రమై  ఇంటింటా తా కొలువై
     కులమత భేదమె లేక  వయో భేద మసలు లేక
     భూమండల మందంతను  శక్తి రూపమై నిలిచే
     పీయూష పానులు సురులు  తేనీటి పానులు నరులు
     తత్సమములె నరసురులు  ఆ రమా మానస చోరులు .