తెలుగువెలుగు

   తెలుగు వెలుగు 

     తెలుగు భాష తీపి తెలుగు సంస్కృతి మేటి 

     తెలుగు పల్లె లందు జిలుగు ధాటి 

     తెలుగు పదము యన్న వెలుగు పర్యాయంబు 

     తెలుగు బిడ్డ జాతి వెలుగు సుమ్ము 

     పూతరేకులరిసె పూర్ణంపు భక్ష్యాలు 

     కాకినాడ ఖాజ ఖాజు బరిఫి 

     పాలకోవ బూరె బందరు లడ్డంత 

     తీయ నైన భాష తెలుగు భాష 

     రమ్య మైన భాష రాజులేలిన భాష 

     ఆది కవుల గనిన అమ్మ భాష 

     సొగసు లీను భాష  సొబగైన భాషరా

     సాటి లేని భాష సరళ భాష 

      

     తీయ దనము నందు తేనెనే మరిపించు  

     కమ్మ దనమునందు కదళి ఫలము 

     రాజసమున తెలుగు రాయలి బిడ్డయై

     తేజ మొలుకు నాదు తెలుగు భాష 

     

     కదళి ఫలము ద్రాక్ష కర్జూరముల కన్న

     పనస జామ రేగు పండ్ల కన్న 

     అచ్చ తెనుగు భాష అత్యంత మధురంబు 

     విశ్వసత్య మిదియె విశ్వసింపు