[అర్థాంతరంగా కనుమూసిన ఓ ప్రియుడు చనిపోయేముందు తన ప్రియురాలికి రాసిన చిట్టచివరి లేఖ]
ఓ ప్రియా..........
కనులముందు కదలాడే నేను
కల్లనై పోయానని కలతచెందకు
చల్లనైన నీ యదగదిలో శాశ్వతమై
నీ మదిలో నిల్చిపోనా తరం తరం
మరువబోకు జీవితాంతం
నీ హృదిలో ఉంటా కాంతినై
నీ కనులముందు నేనొక భ్రాంతినై
సుధారసంతో తొణికిసలాడే
నీ అధరామృతాన్నిగ్రోలిన నాకు
మరణమేల దరి చేరగవచ్చు
మరణానికె మరణంబొచ్చు
నే లేనను మాటను వీడు
నీ మదిలో నిల్చితి చూడు
బాహ్యంగా కానరాకున్నా
నీ కన్నుల్లో నేనే లేనా
నాకొరకై విలపించకు
నను జేరగ యత్నించకు
నా ఆశల పల్లకివై నా కోసం
నీ జీవన యానం సాగించు
No comments:
Post a Comment