మహాకవీ జోహారు
పేరులోన రెండు శ్రీలు
భావంలో నిండు సిరులు
వయసుమళ్ళినా మరిగిన రక్తం
నరనరాలలో నవనవోత్తేజం
అస్తవ్యస్తపు వ్యవస్త పైన
కదనమూర్తివై కలం కదిల్చిన
కవివీరుడు కవికుల తిలకుడు
కష్టజీవుల కాపద్భంధుడు
మరో ప్రపంచ మనని
మహా ప్రస్థానమవని
కావెక్కిన ప్రగతి రథానికి
అరుణారుణ వర్ణమద్దిన
భావా వేశపు తరంగాలతో
మహాకవిగా మహిలో వెలగీ
తారలసరసన తళుకులీనుతూ
నేటి సమాజమును చింతాక్రాంతుడై
తిలకించెడు శ్రామిక ప్రియుడు
పీడిత తాడిత బడుగు వర్గపు
జాతి ప్రేమికుడు జాగృతమూర్తికి
జోహారు జోహారు జోహారు లివియే
No comments:
Post a Comment