జయజయహే తెలంగాణ (పాట)
జయజయ హే తెలంగాణ
జనవందిత హృదయసీమ
గనివనరుల కలిమి సీమ
జయ జయ హే తెలంగాణ
మానవత్వ పరిమళాలు మహిచాటిన తెలంగాణ
మతమౌఢ్యపు రక్కసుల మదమడిచిన తెలంగాణ
కాదు కాదు కాదు ఇదీ కరువు తెలంగాణ
గల గల గల గోదారి కృష్ణ కదులు తెలంగాణ
పోతనార్యుని భక్తి కైత పుట్టెనిచ్చోట
కాకతీయ పౌరుషాగ్ని కాలవాలమీ నేల
పొనికి కర్ర బొమ్మ లున్న నిర్మలున్నది చ్చోట
చేనేతల సిరిసిల్ల వలువల గద్వాల నేల
నిరంకుశ పాలనకు ఎదురొడ్డి పోరాడిన
కొమురం భీమును గన్న అమ్మ మన తెలంగాణ
వీరనారి ఐలమ్మ మల్లూ స్వరాజ్యమ్మ
ధీరులై వెలసిన వీరభూమి తెలంగాణ
కోటిరతనాల వీణ మేటైనా తెలంగాణ
దాశరథి భావనలో వెల్లివిరిసె తెలంగాణ
కాళోజి సదాశివా హనుమంతు జగదీశు
ప్రజాకవుల వేదికిది ప్రభలు వెలుగు తెలంగాణ
భద్రాద్రి బాసరా ఎములాడ యాదాద్రి
కొండగట్టు హనుమన్న వెలసినట్టి పుణ్యభూమి
జయశంకరు కలలు గన్న విజయధాత్రి నాభూమి
తేజమొలుకు సంస్కృతుల మేళవింపు నా భూమి
No comments:
Post a Comment