యువతా కదలి రా!!
కదలిరండి కదలిరండి
కదం కదం కలిపి రండి
యువరక్తం ఉరకలేసె
యువజనమా తరలిరండి!
ప్రజాధనం దోచుకునే
ప్రబుధ్ధుల మదమడచగ
ప్రభంజనమై పరువులేత్తి
పరుగులెత్తి వేగ రండి!
అడుగడుగున అక్రమాలు
అవినీతి అరాచకాలు
మానవతకు గ్రహణాలూ
అమానుష పు ఆగడాల
భరతం పట్టగ నీవు
వీర భద్రుడవై వేగ రమ్ము
దుర్మార్గపు కుత్తికలనె
కత్తిరింప కదలి రమ్ము
వాపును చూపి బలుపని చెప్పే
మాయల ఫకీరు మంత్రాంగాలను
తాతలు తాగిన నేతుల మూతుల
వాసన చూపి జోలపాడీ నిద్రపుచ్చి
కల్లల మంత్రాంగాల కపటపు మాయల
దృంచి నడుమంత్రపు బతుకులలో
నాణ్యతనే పేంచాల్సిన బాధ్యతనే
తలకేత్తుకో భారమనక కదలిరా!
No comments:
Post a Comment