హృదయం ముక్కలైందంటే
మాంసపు ముక్కలకాశపడ్డ
రాబందుల్లా హృదయ శకలాలను
నోట కరుచుకు పోవచ్చేమో నని
ఆశపడే బంధువులనే రాబందులు
ముక్కలనేం చేసుకోను సాంబారు
లో వేయడానిక్కూడా పనికిరావు
కానివ్వండి యెన్నిముక్కలైనా వచ్చే
నష్టమేంటని అసహనంగా అవహేళనగా
ఈసడింపుగా మాటాడే జీవితభాగస్వామి
అలసిన హృదయం ఆగేది నేడో రేపో
ముక్కలైతేమి ముడతలు పడితే నేమి?
వెలగబెట్టె రాచ కార్యాలేమున్నాయని
ముక్చలగోలేందుకు ముడుచుకు పడుకో
అంటూ కసురుకునే రక్తం పంచుకున్న వారు
ముక్చలన్న మాట వింటూనే ముఖాన్ని
చాటేసుకుని తప్పుకు తిరిగే స్నేహితులు
ఇదే మన చుట్టూ వున్న సమాజం
లాటరి గెలిచిన్నాడు అభినందించ
వరుసలు గట్టి మరీ వచ్టేసే వీళ్ళంతా
మన కష్టాల సమయాన కన్నీళ్ళు
తుడవడానికి మాత్రం యే ఒక్కడూ రాడు
No comments:
Post a Comment