ప్రార్థన
నా కళ్ళు వెదకుతున్నాయి
నిన్ను తనివి తీరా కాంచాలని....
కాని వాటి తృష్ణ తీరనే లేదు
ఏనాడూ వాటికి నువ్వగుపించలేదు
నా హృదయం ఏనాడూ నీ కొరకు
పరితపించనే లేదు, ఎందుకంటే
దానికా అవసరం రానే రాదుకదా
నువ్వక్కడే కదా స్థిరమై వున్నావు
ఓ ప్రభూ!
సతతం నా మనసులో నే నీవున్నా
యెందుకో నీ కోరకే నా అణ్వేషణ
కోనసాగుతూ నే వుంటుంది.........
నీ వున్నావని నా అంతరంగ మామోదించినా..
లేవేమో నన్న శంక సందిగ్దావస్తలో కొట్టుమిట్టాడిస్తుంది
నాకోసం కాకున్నా! నీ కోరకైనా
నువ్వున్నావన్న నిజాన్ని చాటుకోడానికైనా
ఓ సారి అజ్ఞానాంధకారంలో చిక్కుకు పోయిన
నా జనాల కోరకైనా భువికి దిగిరమ్మని ప్రార్థిస్తున్నా
No comments:
Post a Comment