శుభోదయం
నేడు నేడని ఎగసి పడిన
నేడేమో నిన్నైంది
రేపుగదా యని నిర్లక్ష్యం చేసిన
రేపే నేడైంది
రేపంటూ మాకుందని తలచిన ఎన్నో జీవులు
రేపుని కాంచకనే అనంతాయువుల్లో కలిసిపోతే
ఊహించని నవ జీవన కుసుమాలెన్నో
కళ్ళు తెరిచాయ్
నిన్నకి నేటికి ఎంతో తేడా
కళ్ళకు కట్టినట్టు కనిపిస్తుంటే
నిన్న జరగని మంచేదో నేడు జరగాలని
కోరుకోవడం అత్యాశ కాకూడదు
వాయిదాల కాశపడే బద్దకరాయుళ్ళ
బాల్యమిత్రుడైన ఓ భవిష్యత్కాలమా
శుభాల సంచితానివై వచ్చావని తలుస్తాను
నీవు మోసుకొచ్చిన శుభాలను
మా మిత్రులందరికీ అందజేసి ఆనందింపజేయు
No comments:
Post a Comment