కడుపులో బిడ్డ ఆడదని తెలిస్తే చాలు
కడతేర్చాలని చూసే కసాయిలోకంలో
నా కెందుకు జన్మనిస్తున్నావ్ దేవుడా!
కడుపులో నేనూపిరి పోసుకున్నానని
తెలిసిన్నాడు నా తల్లికెంతటి మన్ననలో!
నేనాడదని తెలిసి.... భ్రూణ హత్య వద్దన్ననాడు
ఆమెనెంతలా హింసిస్తున్నారో! తెలిసి కుములుతున్నా
ఓ... దేవుడా!!
ధర్మభూమి కర్మభూమని ఘనంగా చెప్పుకునే
ఈ నా మాతృభూమిలో ఇంతటి యమానుషమా!
ముగ్గురమ్మలనీ! మువ్వురమ్మల మూలపుటమ్మ
యని లక్ష్మీ పార్వతీ శారదలనారాధించే పవిత్ర
నేలమీదే నేలతకు అడుగడుగున అవమానాలా?
ఓ దేవుడా! ఈ సృష్టీలో స్త్రీ జన్మయే లేకుంటే
రేపటి తరానికి రూపమెక్కడిదని అడుగుతున్నా!
బదులివ్వ లేవుకదూ నీకూ జవాబందని సమస్యేనా
నారీలోకమంటే!!
No comments:
Post a Comment