మరణమా! నా ప్రియనేస్తమా!!
నేను పుట్టిన నాటినుండి...
అనుక్షణం నన్నంటి పెట్టుకుని
నాతోనే నీడలా వెంటాడుతున్నావే ...
అనునిత్యం మనఇద్దరికీ జరిగే
సంఘర్షణలో నేనే ప్రతీసారీ
గెలుస్తున్నానే ... ... అయినా...
నీ యత్నం మానవుకదా!
నాకు తెలుసు
ప్రతీరోజూ నేనే నిన్నోడించి గెలుస్తున్నా
ఏదో ఒకనాడు నీవు నన్నోడించక మానవని
ఇక నీవు గెలిచాక నాకిక మరో యవకాశం
ఇవ్వవనీ తెలుసు....
నిన్ను తప్పించుకోవాలని నేననుకున్నా
ఈ సృష్టిలో నీకు తెలియని స్థావరం
యెక్కడుందని వెళ్ళను..... అందుకే
నువ్వు గెలిచే వరకూ నేనే గెలుస్తూ
గెలిచానన్న భ్రాంతిలో బ్రతుకుతుంటా
No comments:
Post a Comment