వివక్ష లేని లొకాలకై అణ్వేషిస్తున్నా!!
వ్యధాభరితమై బాధాతప్తమై
భావాభావమై ఎడారిగా మారిన
నా ఎదలోకి సైమానువై
ప్రవేశించావు ప్రేమ ఊసులతో
వ్యధలను సమాధి చేసి కరుణ వర్షాన్ని
కురిపించి, నిర్భావ ఎడారినే
అనంతభావాల ప్రేమ
సాగరంగా మార్చావు
ఘనీభవించి నిశ్చలమైన
భావపాషాణాన్ని నీ అమృత వాక్కులతో
కరిగించి ద్రవింప జేసావు.........
భావవాహినీ తరంగాలు
ఎగసిపడుతున్న నా హృదయ
సాగరంలో ప్రేమ సునామీనే
సృష్టించావు
ఎగసిపడే
ఆ ప్రేమతరంగాలలో
తడిసీ ముద్దయ్యాను
ఓ సఖీ!!
జీవచ్ఛవాన్ని స్పృషించి
పునరుజ్జీవితున్ని జేసి
కనపడకుండా పోయావు
అనంత వాహినీ కెరటాల ఝరులకి
తట్టుకోలేక కొట్టుకు పోతున్న నేను
నీ ఆసరాకై చేయి జాపుతున్నా.......
నిర్దయగా చూస్తున్నావే తప్ప
నాచేయి నందుకొని నన్ను కాపాడవెందుకు
కుల మత జాతీ వివక్షలే
నను నీ నుండి వేరుచేస్తే
ఈ అనంతాంతరాలున్న
అనంత విశ్వాన్నే నేను
బహిష్కరిస్తున్నా....
ఈ వివక్షలే లేని లోకాలకు
పయనమౌతున్నా
ఉన్నదో లేదో తెలియని
మరోజన్మలో నీకై వేచివుంటా
No comments:
Post a Comment