ఇచ్చిపుచ్చుకోవడం
ప్రొద్దున్నే బెడ్ కాఫీ సేవించి పడక్కుర్చీలో కూర్చొని పేపర్ ని జుర్రుకుంటున్న అపర చండశాసనుడని కీర్తి వహించిన ముత్యాలరావు దగ్గరి కొచ్చి చే తులు కట్టుకొని వినయాతి వినయంగా అతని సుపుత్ర రత్నం
"నాన్నా! మా ఫ్రండు వాళ్ళ నాన్నగారు రాత్రి చనిపోయాట్ట, మా
ఫ్రండ్సంతా వెళుతున్నారు, నేనూ వెళ్ళాలను కుంటున్నాను, నాన్నా! వెళ్ళేదా?" అడిగాడు .
కొడుకలా అడగడం నచ్చని ఆ తండ్రికి కోపం నషాలానికంటింది.
"ఏం అక్కర్లా! పోయినోడు యెలాగూ పోయాడు, ఉన్నవాళ్ళకి సాయంమందించ డానకీ చాలా మందుం
టారు....ఇక నువ్వెళ్ళి అక్కడ వెలగబెట్టెదేమి లేదు....లోపలికెళ్ళి పుస్తకాలు ముందే
సుక్కూర్చో...పో!" కసిరాడా తండ్రి.
" అదికాదు నాన్నా! నా ఫ్రండు నాన్న గారు పోయినపుడు, నేను పోకపోతే..... నా నాన్న గారు పోయినపుడు మన ఇంటికి యెవరొస్తారు" అమాయకంగా నసుగుతూ న్న సుతుని వంక గుడ్లప్పగించి చూస్తూ నోరెళ్ళబెట్టాడా చండశాసన చక్రవర్తి.
No comments:
Post a Comment