జరుగుతోంది పేదతనోద్ధరణ
స్వతంత్ర్య భారతం
షష్టిపూర్తి చెసుకొని
దశాబ్దానికి చేరువౌతున్నా
దశమారని పేదరికం
బిక్కు బిక్కు మంటూ
దరిద్రరేఖకు అట్టడుగున
పడి కొట్టుకుంటూనే వుండగా
మేమున్నామంటూ ఈ మధ్య
మధ్యతరగతి వారు చేరుతున్నారు
ఆనాటినుండి ఈనాటి వరకు
నాయకులనే వాళ్ళ మాటలు
వాగ్దానాలూ పేదజనోద్ధరణే యైనా
ఆ మాటలు నీటి మూటలై
పేదతనానికే పెద్దతనమొచ్చింది
పేదజనోద్ధరణ చేస్తామని చెబుతున్న
నేతలు పేదతనో ద్ధరణ చేస్తునే యున్నారు
అసమ దీయులని అందలాలెక్కిస్తూ
తసమదీయులని పాతాళానికి తొక్కెస్తూ
పరాయి పాలకులు దోచారని
తెల్లదొరల ని తరిమి కోడితే నేమి
స్వదేశీ దోపిడి సహస్రశీర్షాలతో
విశ్వరూప ప్రదర్శన గావిస్తూనే వుంది
పరాయి వాడి చేతుల్లో దొచబడే కంటే
మనవాడే మనని దోస్తున్న ఆనందమే
అనంతానంద మందాకినయింది.
No comments:
Post a Comment